Abb iss masum se koi wada na kar

Bite waqt ki koi yaad ab taza na kar,

Bhulana hai jo itihas usme sharm zada na kar,

Na nibha hai na nibhega tujhse,

Abb iss masum se koi wada na kar

 

Na smaj nai ho tum shayd pehle se,

Wakif to hoge uss dard ke pehre se,

Iss bar koi gum sajha na kar,

Ab rook le khud ko khud tak baass ,

Ab iss masum se koi wada na kar.

 

Kimat nai koi zarurat nai,

Meri taraf se koi nasihat nai,

Jo hai sab tera mujhse ummid zada na kar,

Man le hu tera sabki trha pr,

Ab iss masum se koi wada na kar.

Er Anurag Upadhyay

Advertisements

Bass Insaniyat Pe Aitbar Karta Hu

Mai azaan ki uss awaz pe shaan krta hu,
Gurudwaro ki shanti se pyar krta hu,
Mai girzaghar kya mandiro ki diwaro pe vishwas krta hu,
Tumse alag nai mai,
Bass insaniyat pe aitbar krta hu.

Na dhekha tune hai na maine hai,
uski taswir na murti na kabr pe dhyan rakhta hu,
Mai upar wale ki ziya se pyar krta hu,
Koi gair nai mai,
Bass insaniyat pe aitbar krta hu.

Kon ho tum jo btate ho humko,
Mai tumko sharm se yaad karta hu,
Ye jhando ke rang desh hi batte hai,
Mai uss khun ke range se pyar karta hu,
Koi gair nai mai,
Bass insaniyat pe aitbar karta hu.

Tyoharo mai rang waha bhai hai yaha bhi,
Fark to bass rabbta aur veshwas ka hai,
Mai uss safed rang ke kafan se pyar karta hu,
Koi gair nai mai dost,
Bass insaniyat pe aitbar karta hu.

Wo kehte hai chum lete kalam ko meri,
Gar kabhi hojate ho rubru mujhe se,
Maine bhi keh diya-
Mai to shayr hu bass,
Kalam se zada uski syahi pe aitbar krta hu.

Er Anurag Upadhyay

 

 

 

Kalam Ruki Hai

Kalam ruki h Dil udaas hai,

Aaj iss dil ka kuch alag hi mizaz hai,

Samaj nai aat din wahi hai ya kuch khas hai,

Purane panno mai uljhi shayad aaj fir ye shaam hai,

Kher

Guzar jayega ye bhi har din ki tarha,

itna to ab khud pe eitbar hai.

Shyad Ek Bujhti Shama Ho Tum

 

Dil pe likhi syahi ki wafa ho tum,
Mere jivan ki ekk nazuk si khata ho tum,
Par moka-E dastur kuch yuu badla,
Ki abb wakt ki dhara se juda ho tum,
Shayd ek bujhti shama ho tum.

 

Waqt ke sath jasbato ke tbadle hote gye,
Yaade hui kaam aur hum chain se sote gye,
Akhir kab tak takti ye aikhe tumhe,
Abb in narzo mai bewafa ho tum,
Shayd ek bujhti shama ho tum.

 

Yaade wo bate hum bhula na sake,
Wo rakhe purane kuch khat hum jala na sake,
Pr fir bhi mnaa liya khud ko ,
Ki kisi aur pe ab fida ho tum,
Shayad ek bujhti shama ho tum.

 

Beshaq irada wafa ka hoga tumhara,
Par fir bhi tuta wo sapna humara,
Par kismat ne yu moda mujhe,
Ki ab to bass gairo ki jgha ho tum,
Shayd ek bujhti shama hoo tum.

 

Abb humare zehen mai naa aati ho tum,
Naa humare sapno ko bhaati ho tum,
Ab keh diya hai alvida teri yaado ko,
Kyo Ki abb muskilo ki trha ho tum,
Shayad ek bujhti shama ho tum.

 

Na aana kabhi wapas ye fariyd karte hain,
Gar hua kuch yu to kal ke anzam se darte hain,
Bass itna hi sa tha ye reshta humara,
Abb na hoga koi tumsa humara,
Kyo ki abb humare liye gunha ho tum,
Shayd ek bujhti shama ho tum.

 

Er Anurag Upadhyay 


			

Mujhe Wo Guzra Waqt Yaad Aata Hai

Bachpan ki wo khilono ki ikkcha,
Baddi muskil bhari thi wo board ki parikhcha,
Wo maidan mai khel khelne jana,
Wo naye kapdo ka zamana yaad aata hai,
Mujhe wo guzra waqt yaad aata hai.

 

Wo school ki phadai wo dosto se ladai,
Addyapko ki unn galtiyo pe jhadai,
Doston ke sath wo raaten bitana,
Wo pese ka muskil sa hisab yaad aata hai,
Mujhe wo guzra waqt yaad aata hai.

 

Wo college mai jane ki chahat,
Exam ke baad wo sem break ki rahat,
Wo college ki diware kuud jana,
Wo dosto ka darna yaad aata hai,
Mujhe wo guzra waqt yaad aata hai.

 

Nokri mai jane ki wo taiyariya,
Bade package pane ki wo bimariya,
Wo dusro shehro main jana,
Wo pehla interview yaad aata hai,
Mujhe wo guzra waqt yaad aata hai.

 

Wo shurwat mai nokri mai pareshaniya,
Wo sath walo ki kari hui bemaniya,
Mehnat kar wo kaam sikhna,
Aage bhadne ka wo jasba yaad aata hai,
Mujhe wo guzra waqt yaad aata hai.

Er Anurag Upadhyay

 

 

Wo Log Bhi Kese Jiya Karte Hain

Milo akele fasle wo taay kiya karte hain,

Khud ke bnaye vicharo mai wo plaa karte hain,

Deke dilasa khud ko sach ka,

Sare aam logo ko thaga karte hain,

Wo log bhi kese jiya karte hain.

 

Muskurahat ke nakab wo liya karte hain,

Par dil mai nafrat ke diye jala karte hain,

Shayad koi apna nai hota unka,

Wo gairo ko ilzam diya karte hain,

Wo log bhi kese jiya karte hain.

 

Shiqwe wo itihaas ke kiya karte hain,

Dusro se bass matlab ki dua kiya karte hain,

Kasme wado ki kimat kya jane wo,

Haar sham jo sharab piya karte hain,

Wo log  bhi kese jiya karte hain.

 

Mehnat nai wo malish kiya karte hain,

Apni chod dusro ki kamiya gina karte hain,

Wakt aane pe wo karke dhokha,

Muskilo ko paar kiya karte hain,

Wo log bhi kese jiya karte hain.

 

Beshaaq wo ibbadat-E khuda karte hain,

Par sathi ki kabiliyat se dara karte hain,

Maan mai behti wo gandi irado ki nali chood,

Ganga mai asnan kiya karte hain,

Wo log bhi kese bhi jiya karte hain.

 

Bharosa wo tarkib-E gaban(Dhoke) pe kiaya karte hain,

Makkari ki chaoo mai wo jiya karte hain,

Iss choti se jivan mai kabhi btana E-khuda,

Kya wo bhi kamiyaab hua karte hain,

“Aakhir hum bhi to jane”

Wo log bhi kese jiya karte hain.

 

Er Anurag Upadhyay

Ummid Ki Wo Kiran Teri Dost Banjayegi

Iss bhiid mai bhadte hue,
Armano se ladte hue,
Gehraiyo se darte hue,
Jab teri rahe thaam jayegi,
Unmid ki wo kiran teri dost ban jayengi.

Sapno ke piche chalte hue,
Apne hatho ko malte hue,
Apni udano ka safar tay karte hue,
Jab teri nazre dhundlayegi,
Ummid ki wo kiran teri dost ban jayengi.

Na darna kabhi unchaayi se,
Na katon ki bichayi se,
Na kisi anjane ki parchayi se,
Jab kabhi mashal irado ki bujh jayegi ,
Ummid ki wo kiran teri dost ban jayegi.

Gr gher le kabhi yade tujhe,
Gero ki wo baate tujhe,
Doston mai bitayi wo sahame tujhe,
Ghar walo ki jab bhi yaade ayegi,
Ummid ki wo kiran teri dost ban jayegi.

Chalte rehna safar- e manzilo pe,
Na rukna na thakna minaro pe,
Jgaye rakhna pyas un baharo ki,
Fr ek din teri pyas bujh jayegi,
Ummid ki wo kiran fir teri dost ban jayegi.

Yu to lakho mushkile takrayengi,
Aramo ki tujhe wo chaao nazar ayegi,
Ghar se bichadne ki majburi satayegi,
Maa ki kahi wo kahani yaad ayegi,
Bharosa kr mujhe pe
E – dost
Ummid ki wo kiran fir teri dost ban jayegi.

Er Anurag Upadhyay

 

 

 

Maa Mai Tere Anchal Mai Sona Chahta Hu

Jab pala tune apni zindigi laga ke,
Le jati thi khud ko chood mujh ko saja ke,
Dhud se sicha tune ye jivan mera,
Kabhi yaad bhi na kiya wo sapna tera,
Aaj tere un spno ki mala fir se pirona chahta hu,
Maa mai tere anchal mai sona chahta hu.

 
Wo wakt tha phadai ka dil se dimag ki ladai ka,
Zindigi ke aagle mood pe jana tha,
Shayd kitabo mai hi ab jivan bitana tha,
Par kar liya wo padav bhi par teri khatri maa,
Aab pariksha ke parinamo se ruksat hona chahta hu,
Maa mai tere anchal mai sona chahta hai.

 
Haar gaya mohobat mai bhi ye dil,
Shayd tere sanskaro ko dhona tha,
Nai khel paya khel ki trha shayad wo pari,
Ab mujhe pe hi hai khud ko samhalne ki zimmedari,
Aab inssan nai mai wahi mitti ka khilona chahta hu,
Maa tere anchal mai sona chahata hu.

 
Dosti mai bhi kuch naa mila mujhe,
Baas mila to daag aur giila mujhe.
Bhadta chala gaya unn armano ke sagar mai,
Duub gya har sapna jese patthar gagar nai,
Aab to khud ko teri mamta mai bhigona chahta hu,
Maa mai tere anchal mai sona chahta h.

 
Roz dil laga ke kaam kaaz mai ulaj jat hu,
Unn kamo mai ma tujhe ko bhi bhul jata hu,
Kabhi sochta hu khud ke bare mai to dour bachpan ka yaad aata hai,
Bachpan ki teri kahaniyo k shoor yaad aat hai,
Aab fr teri baho se lipat ke rona chahata hu,
Ma mujhe tere anchal mai sona chahata hu.

 
Tujhe chood sabse karib hota gya,
Bina tere pyar mai kitna garib hota gya,
Sab kuch paa liya maine mere jivan mai,
Par na dhekha tujhe kabhi nind mai na shabbam mai,
Aaj mai apni har galti ko dhona chahta hu,
Maa mai tera anchal mai sona chahata hu.

 
Aaj uljhno mai itna ulaj gaya hu maa,
Tujhs se haar sach kehna chahata hu,
Aab koi nai  mera ab bass tere pass hi rehna chahata hu,
Sab to mit gya mere jivan se maa,
Pr ab tujhe naa khona chahata hu,
Maa mai tere anchal mai sona chahata hu.

 

Er Anurag Upadhyay

Ek ladki esi bhi nazar aati hai

Wo nazre churati haiMaa baap ki izzat par mar jati hai,

Apne armano ko tyaag,

Wo apne ko bhavishya ko ujwal banati hai,

Ek ladki esi bhi nazar aati hai .

 
Wo 1 se dil lagati hai Sare yaado ko chhod
Wo us par bikhar jati hai,

Na darti hai wo na ghabrati hai,

Na kar prwah rivazo ki wo usse mil jati hai,

Ek ladki esi bhi nazar aati hai .

 
Chood ke anchal maa kaa,

Wo khandan ki izzat mita ti hai,

Shehad si pavitr wo ladki,

Aaiyashyo ke zeher mai ghul jati hai,

Ek ladki esi bhi nazar aati hai.

 
Pyar ke bandhan mai wo hazaro sapne sajati hai,

Fr jab wo iss samaj ki soch se takrati hai,

Ghoot ke gala apni khushiyo ka,

Kisi ancahe rishte mai bandh jati hai,

Ek ladki esi bhi nazar aati hai.

 
Dil mai wo khwab sajati hai,

Use apna bnane ki har tarkib lgati hai,

Tadapti hai wo yaado mai uski,

Apne atmsmman ko maati mai milati hai,

Ek ladki esi bhi nazar aati hai.

 
Tyag diya hoga sapna sawrne ka usne,

Na kiarti hogi ibaddatain kamiyabi ki,

Khud ko jhookh ke samajo ki bandisho mai,

Wo khud ko ghr ki hi pari samamj jati hai,

Ek ladki esi bhi nazar aati hai.

 
Wo sapno ki duniya ki aadi hai,

Uss bass har sukh or suvidha pyari hai,

Wo bass sab pr apne ghamand ka jor dekhati hai,

Kuch nai hoti shayad wo dusro ke liye,

Wo peso ke liye itna kyu gir jati hai,

Ek ladki esi bhi nazar aati hai. Continue reading “Ek ladki esi bhi nazar aati hai”

Create a website or blog at WordPress.com

Up ↑